নাৰেঙ্গী ৰে’ল ষ্টেচনত ২১ কেজি গাঞ্জা জব্দ

আগৰতলাৰ পৰা গুৱাহাটীলৈ সৰবৰাহৰ পথতে আটক সুধীৰ কুমাৰ

ৰাইজৰ বাৰ্তা /গুৱাহাটী: নাৰেঙ্গী ৰে’ল ষ্টেচনত বৃহৎ পৰিমাণৰ গাঞ্জা জব্দক লৈ চাঞ্চল্যৰ সৃষ্টি হৈছে। অভিযান চলাই এজন লোকৰ পৰা ২১ কেজি গাঞ্জা জব্দ কৰে অভিযানকাৰী দলে।

জব্দকৃত গাঞ্জাখিনি আগৰতলাৰ পৰা লৈ অহা হৈছিল বুলি জানিব পৰা গৈছে। গাঞ্জাখিনি সৰবৰাহৰ অভিযোগত সুধীৰ কুমাৰ নামৰ লোকজনক আটক কৰা হৈছে।

ঘটনাৰ সন্দৰ্ভত অধিক তথ্যৰ বাবে তদন্ত অব্যাহত আছে। জব্দকৃত গাঞ্জাখিনিৰ উৎস আৰু সৰবৰাহৰ সৈতে জড়িত আন কোনো লোক আছে নেকি, সেই সন্দৰ্ভতো তদন্তকাৰী সংস্থাই অনুসন্ধান চলাইছে।