.jpeg)
নগাঁও লোকসভা সমষ্টিৰ উপ-নিৰ্বাচনৰ দিন ঘোষণা
৬ অক্টোবৰত ভোটগ্ৰহণ, ৯ অক্টোবৰত হ’ব ভোটগণনা
ৰাইজৰ বাৰ্তা / নগাঁও: নগাঁও লোকসভা সমষ্টিৰ উপ-নিৰ্বাচনৰ দিন ঘোষণা কৰা হৈছে। নিৰ্বাচন আয়োগৰ সূচী অনুসৰি অহা ৬ অক্টোবৰত অনুষ্ঠিত হ’ব ভোটগ্ৰহণ। আনহাতে, ৯ অক্টোবৰত ভোটগণনা কৰা হ’ব।
উপ-নিৰ্বাচনক কেন্দ্ৰ কৰি ১৬ ছেপ্টেম্বৰ পৰ্যন্ত প্ৰাৰ্থীয়ে মনোনয়ন-পত্ৰ দাখিল কৰিব পাৰিব। ১৭ ছেপ্টেম্বৰত মনোনয়ন-পত্ৰ পৰীক্ষা কৰা হ’ব। মনোনয়ন-পত্ৰ প্ৰত্যাহাৰৰ অন্তিম দিন হিচাপে ১৯ ছেপ্টেম্বৰ নিৰ্ধাৰণ কৰা হৈছে।
উল্লেখ্য যে, নিৰ্বাচনক কেন্দ্ৰ কৰি ইতিমধ্যে ৰাজনৈতিক দলসমূহৰ মাজত তৎপৰতা বৃদ্ধি পাইছে। উপ-নিৰ্বাচনত কোন কোন প্ৰাৰ্থীয়ে প্ৰতিদ্বন্দ্বিতা কৰে আৰু ভোটাৰৰ ৰায় কাৰ পক্ষত যায়, সেয়া এতিয়া লক্ষ্যণীয় হৈ পৰিছে।