.jpeg)
দুদিনীয়া কাৰ্যসূচীৰে গুৱাহাটীত উপ-ৰাষ্ট্ৰপতি চি পি ৰাধাকৃষ্ণন
বৰঝাৰ বিমানবন্দৰত উষ্ম আদৰণি ৰাজ্যপাল লক্ষ্মণ প্ৰসাদ আচাৰ্য আৰু মুখ্যমন্ত্ৰী ড০ হিমন্ত বিশ্ব শৰ্মাৰ
গুৱাহাটী, ৬ ছেপ্টেম্বৰ: দুদিনীয়া কাৰ্যসূচীৰে অসমত উপস্থিত হৈছে দেশৰ উপ-ৰাষ্ট্ৰপতি চি পি ৰাধাকৃষ্ণন। দেওবাৰে গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত উপস্থিত হোৱাৰ পাছতে উপ-ৰাষ্ট্ৰপতিগৰাকীক উষ্ম আদৰণি জনায় অসমৰ ৰাজ্যপাল লক্ষ্মণ প্ৰসাদ আচাৰ্য আৰু মুখ্যমন্ত্ৰী ড০ হিমন্ত বিশ্ব শৰ্মাই।
উপ-ৰাষ্ট্ৰপতিগৰাকীৰ অসম ভ্ৰমণক কেন্দ্ৰ কৰি গুৱাহাটীত ব্যাপক তৎপৰতা পৰিলক্ষিত হৈছে। দুদিনীয়া ভ্ৰমণসূচীত তেওঁ কেইবাটাও গুৰুত্বপূৰ্ণ কাৰ্যসূচীত অংশগ্ৰহণ কৰাৰ কথা জানিব পৰা গৈছে।
বৰঝাৰ বিমানবন্দৰত উপ-ৰাষ্ট্ৰপতিগৰাকীক ৰাজ্য চৰকাৰৰ শীৰ্ষ বিষয়াসকল আৰু অন্যান্য গণ্যমান্য ব্যক্তিসকলেও আদৰণি জনায়। বিমানবন্দৰৰ পৰা তেওঁ নিৰ্ধাৰিত কাৰ্যসূচী অনুসৰি পৰৱৰ্তী গন্তব্যস্থানলৈ ৰাওনা হয়।
উপ-ৰাষ্ট্ৰপতি চি পি ৰাধাকৃষ্ণনৰ এই অসম ভ্ৰমণক লৈ ৰাজ্যৰ ৰাজনৈতিক আৰু প্ৰশাসনিক মহলতো বিশেষ গুৰুত্ব আৰোপ কৰা হৈছে। ভ্ৰমণকালত ৰাজ্যৰ বিভিন্ন গুৰুত্বপূৰ্ণ বিষয়ক লৈ আলোচনা আৰু বিভিন্ন অনুষ্ঠানত অংশগ্ৰহণৰ সম্ভাৱনা আছে।
উল্লেখ্য যে দেশৰ উপ-ৰাষ্ট্ৰপতি হিচাপে চি পি ৰাধাকৃষ্ণনৰ অসম ভ্ৰমণে ৰাজ্যখনৰ সৈতে কেন্দ্ৰীয় নেতৃত্বৰ সম্পৰ্ককো অধিক সুদৃঢ় কৰাৰ ক্ষেত্ৰত গুৰুত্ব বহন কৰিছে। তেওঁৰ দুদিনীয়া ভ্ৰমণসূচী সফল কৰি তুলিবলৈ প্ৰশাসনৰ তৰফৰ পৰাও ব্যাপক নিৰাপত্তা আৰু অন্যান্য ব্যৱস্থা গ্ৰহণ কৰা হৈছে।