নগাঁও লোকসভা উপ-নিৰ্বাচনঃ মৈৰাবাৰীৰ গাৰে হেৰা জামে মছজিদত বদৰুদ্দিন আজমল
ৰাইজৰ বাৰ্তা / মৈৰাবাৰী, ১৮ ছেপ্টেম্বৰঃ নগাঁও লোকসভা সমষ্টিৰ উপ-নিৰ্বাচনক কেন্দ্ৰ কৰি নিৰ্বাচনী তৎপৰতা তুংগত উঠাৰ সময়তে শুকুৰবাৰে মৈৰাবাৰীত উপস্থিত হয় AIUDFৰ সভাপতি তথা প্ৰাৰ্থী বদৰুদ্দিন আজমল। মৈৰাবাৰীৰ গাৰে হেৰা জামে মছজিদত উপস্থিত হৈ নেতা গৰাকীয়ে স্থানীয় ৰাইজৰ সৈতে জুম্মাৰ নামাজ আদায় কৰে।
নগাঁও লোকসভা উপ-নিৰ্বাচনৰ প্ৰচাৰৰ উদ্দেশ্যে মৈৰাবাৰীত উপস্থিত হোৱা আজমলে নামাজৰ পাছত স্থানীয় ৰাইজৰ সৈতে মত-বিনিময় কৰে। সমষ্টিটোৰ বিভিন্ন সমস্যা আৰু ৰাইজৰ অভাৱ-অভিযোগৰ বিষয়ে মত বিনিময় কৰাৰ লগতে নিৰ্বাচনী প্ৰচাৰৰ বাবেও জনসাধাৰণৰ কাষ চাপে আজমল।
উল্লেখ্য যে, অহা ৬ অক্টোবৰত অনুষ্ঠিত হ’ব নগাঁও লোকসভা সমষ্টিৰ উপ-নিৰ্বাচন। AIUDFৰ হৈ বদৰুদ্দিন আজমল, বিজেপিৰ হৈ প্ৰাক্তন IAS বিষয়া দেৱাশীষ শৰ্মা আৰু কংগ্ৰেছৰ হৈ শিৱামণি বৰাই প্ৰাৰ্থিত্ব আগবঢ়াইছে। ১৬ ছেপ্টেম্বৰত তিনিওগৰাকী প্ৰধান প্ৰাৰ্থীয়ে মনোনয়ন পত্ৰ দাখিল কৰে।
ইফালে, শুকুৰবাৰে মৈৰাবাৰীৰ কেইবাটাও স্থানত আজমলে নিৰ্বাচনী প্ৰচাৰ চলোৱাৰ কাৰ্যসূচী গ্ৰহণ কৰিছে। ঘৰে ঘৰে গৈ ভোটাৰৰ সৈতে মত-বিনিময় কৰাৰ লগতে বিভিন্ন সভা আৰু জনসংযোগ কাৰ্যসূচীত অংশগ্ৰহণ কৰাৰ সম্ভাৱনা আছে।
নগাঁও লোকসভা উপ-নিৰ্বাচনক কেন্দ্ৰ কৰি ইতিমধ্যে সমষ্টিটোৰ বিভিন্ন প্ৰান্তত ৰাজনৈতিক দলসমূহে ব্যাপক প্ৰচাৰ আৰম্ভ কৰিছে। অহা ৬ অক্টোবৰত ভোটগ্ৰহণ আৰু ৯ অক্টোবৰত ভোটগণনা অনুষ্ঠিত হ’ব।