.jpeg)
বৰক্ষেত্ৰীৰ ডিৰুৱাত অচিনাক্ত মৃতদেহ উদ্ধাৰ
ৰাইজৰ বাৰ্তা
বৰক্ষেত্ৰীৰ ডিৰুৱাত চাঞ্চল্যকৰ ঘটনা। অঞ্চলটোত উদ্ধাৰ হৈছে এটা অচিনাক্ত মৃতদেহ। তাজেৰ আলী নামৰ লোকজনৰ ঘৰৰ পিছফালে পানীত উপঙি থকা অৱস্থাত উদ্ধাৰ কৰা হয় মৃতদেহটো।
স্থানীয় লোকৰ দৃষ্টিগোচৰ হোৱাৰ পাছতে ঘটনাস্থলীত চাঞ্চল্যৰ সৃষ্টি হয়। পিছত আৰক্ষীক খবৰ দিয়াত আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰে।
বৰ্তমানলৈকে মৃতদেহটোৰ পৰিচয় নিশ্চিত হোৱা নাই। মৃতদেহটো মৰণোত্তৰ পৰীক্ষাৰ বাবে প্ৰেৰণ কৰাৰ লগতে ঘটনাটোৰ সন্দৰ্ভত আৰক্ষীয়ে তদন্ত আৰম্ভ কৰিছে। মৃতদেহটো কেনেদৰে পানীত আহি পৰিল, সেয়া তদন্তৰ পাছতহে স্পষ্ট হ’ব।