ধিঙত মানৱীয়তাৰ নিদৰ্শন বিজেপি প্ৰাৰ্থী দেৱাশীষ শৰ্মাৰ
ঠেলাত অহা বৃদ্ধক হুইল চেয়াৰ যোগান ধৰাৰ প্ৰতিশ্ৰুতি
ৰাইজৰ বাৰ্তা / ধিং
ধিঙ সমষ্টিৰ লালী পথাৰত নিৰ্বাচনী প্ৰচাৰ চলাবলৈ গৈ মানৱীয়তাৰ এক নিদৰ্শন দাঙি ধৰিলে বিজেপিৰ প্ৰাৰ্থী দেৱাশীষ শৰ্মাই। প্ৰচাৰৰ মাজতে ঠেলাত আহি উপস্থিত হোৱা এগৰাকী বৃদ্ধৰ সৈতে সাক্ষাৎ হয় দেৱাশীষ শৰ্মাৰ।
বৃদ্ধগৰাকীৰ শাৰীৰিক অসুবিধাৰ কথা জানিব পাৰি তেওঁৰ সৈতে মত-বিনিময় কৰে বিজেপি প্ৰাৰ্থীগৰাকীয়ে। ঠেলাৰ সহায়ত চলাচল কৰিবলগীয়া হোৱা বৃদ্ধগৰাকীৰ সুবিধাৰ্থে সোমবাৰে এখন হুইল চেয়াৰ যোগান ধৰাৰ প্ৰতিশ্ৰুতি দিয়ে দেৱাশীষ শৰ্মাই।
নিৰ্বাচনী ব্যস্ততাৰ মাজতো এগৰাকী অসহায় বৃদ্ধৰ সমস্যাৰ প্ৰতি দৃষ্টি দি সহায়ৰ হাত আগবঢ়োৱাৰ এই ঘটনাই উপস্থিত লোকসকলৰ মাজত চৰ্চা লাভ কৰে। স্থানীয় লোকসকলৰ মতে, ৰাজনৈতিক প্ৰচাৰৰ সময়ত জনসাধাৰণৰ সৈতে পোনপটীয়াকৈ মিলিত হৈ তেওঁলোকৰ সমস্যাৰ কথা শুনাটো গুৰুত্বপূৰ্ণ।
উল্লেখ্য যে নগাঁও লোকসভা উপ-নিৰ্বাচনক কেন্দ্ৰ কৰি ধিঙ সমষ্টিকে ধৰি বিভিন্ন অঞ্চলত ৰাজনৈতিক দলসমূহে নিৰ্বাচনী প্ৰচাৰ তীব্ৰতৰ কৰি তুলিছে। ইয়াৰ মাজতে লালী পথাৰৰ এই ঘটনাই নিৰ্বাচনী প্ৰচাৰৰ বাহিৰেও সামাজিক দায়বদ্ধতাৰ বিষয়টো পুনৰ চৰ্চালৈ আনিছে।